- Вы здесь:
-
ГКУ Ингушский государственный музей краеведения им. Т. Мальсагова
- Йоазонхочун Горчхан-наькъан Бадруддина – 60 шу дизарга
ГКУ Ингушский государственный музей
краеведения им. Т. Мальсагова
краеведения им. Т. Мальсагова
Главная
Йоазонхочун Горчхан-наькъан Бадруддина – 60 шу дизарга
Фото Б. Гиреев
Горчхан-наькъан Хасолта Бадрудин ваьв 31.01.1965 ш. Наьсарен района чуйоаг1ача Пхьилекъонгий-Юрта.
Школе деша ваг1аш волавеннав Бадруддин хьалхара литературни йоазонаш де. Юххьанца стихаш язъю цо. Цул т1ехьаг1а дувцараш язде а кепатоха а волалу из. Г1алг1ай литературе къахегарашта юкъе наьна меттала яздерех ва Бадруддин.: стихаш, дувцараш, пъесаш.
Йоазонхо духхьашха кхоллама наькъ т1а ваьннав 1982 шера. Цу шера 25 мае кепатехад цун «Шийла кхуврч» яхача хьалхарча дувцара.
1992 ш. Нохч-Г1алг1ай Паччахьалкхен Университета г1алг1ай меттеи литератураи факультет а яьккха Пхьилекъонгий-Юртарча школе наьна мотт хьехаш хиннав Бадруддин.
Цо редактор волаш къахьийгад «Г1алг1айче» газете, «Села1ад» берий журнале.
Х1аьта йоазонхочун стихаш, дувцараш, пьесаш екаш хьахоз вай телевидене, радио, театрий сценаш т1а.
Бадруддин соавтор ва массехк сборника «Дунен дехар», «Баьца т1а тхир», «И была весна», «Война длиною в жизнь». Х1аьта «Муг1арле», «Шолжа йисте», «Кагий пьесаш» яха книжкаш а арадаьннад автора.
Массехк шу хьалха яздаьд цо «Аьттув бийхкача хана» яха ший дувцар.
«Дон» яхача журнала оаг1онашка «Литературни газета» т1а эрсий меттала арейийннай цун произведенеш.
Бадруддина стихашта, пьесашта, дувцарашта иштта кепайийттай «Ленина никъ», «Сердало», «Г1алг1айче» газеташкеи, «Лоаман 1уйре» альманаха т1еи, «Маьтлоам», «Литературни Г1алг1айче» яхача журналаш т1еи. Г1алг1ай а эрсий а меттала шаьрра, говзалца язде хов цунна.
Цуд1ухьа теша лов Горчхан-наькъан Бадруддина дукха а наха езаш йола а керда художественни произведенеш язъерг хиларах. Могаш- маьрша волаш дуккха шерашка вахалва хьо г1алг1ай говза йоазанхо!
Научный сотрудник по ДПИ
Ж. Г. Дзейтова.
Ж. Г. Дзейтова.
